برسائل مؤثرة.. شريف إكرامي يعلن اعتزاله كرة القدم «فيديو»

أعلن شريف إكرامي حارس مرمى فريق بيراميدز اليوم الخميس 16 يوليو اعتزاله كرة القدم برسائل مؤثرة.

وغرد شريف إكرامي عبر حسابه بمنصه "إكس" وكتب :" بعد أكتر من 30 سنة جه الوقت اللي أودع فيه الملعب و أعلق الجوانتي".

"جه وقت اني اخد قرار يمكن كل لاعب بيبقى عارف إنه هييجي في يوم من الأيام لكنه عمره ما بيبقى سهل،لأنك مش بتسيب شغلانة أنت بتسيب حياة كاملة".

"شكراً لكل نادي لعبت فيه..فينورد والجونة كل واحد فيكم ضاف لي كتير كانسان مش بس كلاعيب".

"شكراً بيراميدز اللي ختمت فيه و كنت محظوظ اكون جزء من جيل حفر تاريخ لنفسه و للنادي".

"لكن هيفضل للنادي الأهلي مكانة مختلفة في قلبي.. الأهلي مش مجرد نادي لعبت فيه.. ده المكان اللي اتولدت فيه.. كبرت واتعلمت و نضجت فيه.. ومنه الناس عرفتني و حققت فيه كل اللي كنت بحلم بيه كلاعب.. الأهلي غير اي حد".

"شكراً لكل مدرب دربني ولكل لاعب شاركني أوضة اللبس، ولكل عامل وإداري اشتغل في صمت عشان يساعدنا ننجح".

"شكراً لكل الجمهور اللي ساندني في الرحله.. و شكراً لكل اللي انتقدوني.. لأنكم كنتو سبب في الإنسان اللي بقيت عليه النهارده.. وعشت معاكم أجمل لحظات في حياتي واتعلمت منكم في أصعبها".

"وشكراً لعيلتي اللي كانت حاضره في كل لحظة واستحملت ضغوطات الشغلانه أوقات أكتر مني أنا.. من قلبي بقولكم وبقول للكورة .. شكراً".
 

بعد أكتر من 30 سنة جه الوقت اللي أودع فيه الملعب و أعلق الجوانتي..
جه وقت اني اخد قرار يمكن كل لاعب بيبقى عارف إنه هييجي في يوم من الأيام لكنه عمره ما بيبقى سهل،لأنك مش بتسيب شغلانة أنت بتسيب حياة كاملة..

شكراً لكل نادي لعبت فيه..
فينورد و الجونه كل واحد فيكم ضاف لي كتير كانسان…

— SherifEkramy (@SEkramyofficial) July 16, 2026

اقرأ أيضا| أحمد عادل عبدالمنعم يعلن اعتزاله كرة القدم